Home / Pakistan / جدہ: پاکستانی خاتون کا قائد اعظم کو خراج تحسین، سمندر کی گہرائی میں‌ پرچم لہرا دیا

جدہ: پاکستانی خاتون کا قائد اعظم کو خراج تحسین، سمندر کی گہرائی میں‌ پرچم لہرا دیا

جدہ: پاکستانی خاتون تیراک نے قائد اعظم کو یومِ ولادت کے موقع پر انہیں انوکھے انداز میں خراج تحسین پیش کرتے ہوئے سمندر کی گہرائی میں پاکستان کا جھنڈا لہرا دیا۔

تفصیلات کے مطابق جدہ میں پاکستانی خاتون تیراک عظمیٰ طاہر نے یوم ولادت کی مناسبت سے قائد اعظم محمد علی جناح کو شاندار انداز میں خراج تحسین پیش کرتے ہوئے دنیا کو حیران کردیا۔

جدہ میں مقیم پاکستانی خاتون عظمیٰ طاہر اپنے دو ساتھیوں سمیت سمندر  (بحیرہ احمر) کی 50 فٹ گہرائی میں اتریں اور انہوں نے پاکستان کا پرچم لہرایا۔

خاتون تیراک ایک گھنٹے تک سبز ہلالی پرچم کو ہاتھوں میں تھامے گہرے سمندر میں رہیں اور انہوں نے پاکستان زندہ باد کا نعرہ بھی لگایا۔

واضح رہے کہ 25 دسمبر کو قائد اعظم کا 141 واں یوم پیدائش ملک بھر میں ملی جوش و جذبے کے ساتھ منایا جائے گا، اس ضمن میں سرکاری سطح پر پاکستان میں تعطیل ہو گی اور مختلف تقاریب کا اہتمام بھی کیا جائے گا۔

About fatima

Check Also

بحریہ ٹاؤن کا مالک “ملک ریاض” راؤ انوار کو کیوں بچانا چاہتا ہے ……؟

راؤ انوار کی ملک سے فرار کی کوشش ناکام ہونے کے بعد اس نے پراپرٹی …

Leave a Reply

Your email address will not be published. Required fields are marked *